അല്‍കോബാര്‍: സാമൂഹ്യ ബാധ്യതകളില്‍ നിന്നും ഒഴിഞു മാറി കമ്പോളത്തിലെ വെറും ഉല്പന്നങ്ങള്‍ മാത്രമായി മുഖ്യധാരാ മാധ്യമങ്ങള്‍ മാറിക്കൊണ്ടിരിക്കുമ്പോള്‍, പ്രധിരോധത്തിന്റെ ഇടപെടലുകളായി മാറാന്‍ പുതിയ ബദലുകള്‍ വളര്‍ന്നു വരേണ്ടതുണ്ടെന്ന് യുവത അല്‍കോബാര്‍ ചാപ്റ്റര്‍ സംഘടിപ്പിച്ച യൂത്ത് പാര്‍ലമെന്റ് ആഹ്വാനം ചെയ്തു. ആനുകാലികവും സാമൂഹിക പ്രസക്തങ്ങളുമായ വിഷയങ്ങളില്‍ വ്യതസ്ത മുഖ്യധാര സംഘടനകളുടെ നയ നിലപാടുകള്‍ വ്യക്തമാക്കിക്കൊണ്ട് അവരുടെ പ്രതി നിധികള്‍ വിഷയങ്ങള്‍വതരിപ്പിച്ച് ചര്‍ച്ച ചെയ്യുകയും പൊതുജനങ്ങളുമായി നേരിട്ട് സംവദിക്കുകയും ചെയ്യുന്ന സം‌വാദ വേദികളായാണ്‌ യൂത്ത് പാര്‍ലമെന്റുകള്‍ നടത്തപ്പെടുന്നത്.
അല്‍കോബാര്‍ റഫ ക്ലിനിക് ആഡിറ്റോറിയത്തില്‍ നടന്ന യൂത്ത് പാര്‍ലമെന്റില്‍ ഫാറൂഖ് സ്വലാഹി (ഇസ്ലാഹി സെന്റര്‍), കുഞ്ഞി മുഹമ്മദ് കടവനാട് (കെ എം സി സി), അഷ്‌റഫ് സലഫി കാരക്കാട്(യൂത്ത് ഇന്ത്യ), സഫറുള്ള (തേജസ്) എന്നിവര്‍ വിഷയങ്ങളവതരിപ്പിച്ചു. സൗദി ഇന്ത്യന്‍ ഇസ്ലാഹി സെന്റര്‍ ദമ്മാം ഘടകം വൈസ് പ്രസിഡന്റ് ഷൈജു എം.സൈനുദ്ദീന്‍ സ്പീക്കറായിരുന്നു. സര്‍ക്കുലേഷന്റെ വേലിക്കെട്ടുകള്‍ക്കപ്പുറത്തേയ്ക്ക് വ്യാപിക്കാന്‍ കഴിയുന്ന ബ്ലോഗുകള്‍, സോഷ്യല്‍ നെറ്റ്വര്‍ക്കുകള്‍ എന്നിവയുടെ സാധ്യതകള്‍ ഗുണകരമായി ഉപയോഗപ്പെടുത്തിക്കൊണ്ടും, ജനപക്ഷ മാധ്യമങ്ങള്‍ സജീവമാക്കിയും കുത്തകകളായ പാശ്ചാത്യ സംസ്കാരത്തിന്റെ കുഴലൂത്തുകാരും പ്രചാരകരുമായ മാധ്യമങ്ങള്‍ക്ക് ബദലുകള്‍ തീര്‍ക്കാന്‍ സാധിക്കും. അത് ഒരു സാമൂഹ്യ ബാധ്യതയായി ഏറ്റെടുക്കാന്‍ നാം തയ്യാറാകണമെന്നും യൂത്ത് പാര്‍ലമെന്റ് പൊതു ജനങ്ങളോട് അഭ്യര്‍ത്ഥിച്ചു. വിഷയവതരണങ്ങള്‍ക്ക് ശേഷമുള്ള സീറോ അവറില്‍ പ്രേക്ഷകര്‍ വിവിധ സംഘടനാ സാരഥികളോട് നേരിട്ട് സം‌വദിച്ചു.യുവത അല്‍കോബാര്‍ ഘടകം പ്രസിഡന്റ് ഷംസുദീന്‍ ഉളിയില്‍ ആമുഖ പ്രഭാഷണം നടത്തി. മുഹമ്മദ് റാഫി, ഷബീര്‍ വെള്ളാടത്ത്, മുഹമ്മദ് യൂസുഫ് കൊടിഞ്ഞി എന്നിവര്‍ നേത്യത്വം നല്‍കി.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം