കൊച്ചി : മനുഷ്യപ്പറ്റില്ലാത്തതും അശാസ്ത്രീയവും അനീതി നിറഞ്ഞതും വ്യക്തി സ്വാതന്ത്ര്യത്തിലേക്കുള്ള കടന്നുകയറ്റവുമാണ് ഗവണ്‍മെന്റിന് സമര്‍പ്പിക്കപ്പെട്ട വിമന്‍സ് കോഡ് ബില്ലെന്നും വിവാദ നിര്‍ദേശങ്ങള്‍ നടപ്പില്‍ വരുത്തരുതെന്നും ഇസ്ലാഹി സെന്റര്‍ സംഘടിപ്പിച്ച ചര്‍ച്ചാ സമ്മേളനം ആവശ്യപ്പെട്ടു. വിഭവ ദൗര്‍ബല്യത്തിന്റെ പേര് പറഞ്ഞ് കുട്ടികളുടെ ജനിക്കാനുള്ള അവകാശത്തെ ഹനിക്കുന്ന ജനങ്ങള്‍ ഭാരമാണെന്നും ആളുകള്‍ കുറയുന്നതാണ് വികസനത്തിനും പുരോഗതിക്കും നല്ലതെന്ന മാല്‍തൂസിയന്‍ തിയറിയെ അംഗീകരിക്കുന്ന രണ്ട് കുട്ടികളില്‍ കൂടുതല്‍ ജനിച്ചാല്‍ പിഴയൊടുക്കണമെന്നും അവര്‍ക്ക് ആനുകൂല്യങ്ങള്ക്കവകാശമില്ലെന്
ഫ്രൈഡേ ക്ലബ്ബ് ഹാളില്‍ നടന്ന ചര്‍ച്ചാസമ്മേളനം ഇന്ത്യന്‍ ഇസ്‌ലാഹീ മൂവ്‌മെന്റ് ദേശീയ ജനറല്‍ സെക്രട്ടറി ഡോ. ഹുസൈന്‍ മടവൂര്‍ ഉദ്ഘാടനം ചെയ്തു. നിലവിലുള്ള വിഭവങ്ങള്‍ മെച്ചപ്പെടുത്താതെ വിഭവ ശേഖരണ വിനിമയ വിതരണരംഗം നീതിയിലധിഷ്ഠിതവും കുറ്റമറ്റതുമാക്കാതെ ദാരിദ്രത്തിന്റെ പേര് പറഞ്ഞ് കുട്ടികളുടെ ജനിക്കാനുള്ള അവകാശത്തെ നിയന്ത്രിച്ച് പരിഹാരം കാണാന്‍ ശ്രമിക്കുന്നത് ഏറ്റവും വലിയ വിഭവശേഷിയായ മനുഷ്യവിഭവശേഷിയെ ഇല്ലാതാക്കി രാജ്യത്തെ നാശത്തിലേക്ക് നയിക്കാന്‍ മാത്രമേ വഴിയൊരുക്കുകയുള്ളൂ എന്ന് അദ്ദേഹം പറഞ്ഞു. ഈ ബില്ല് കുട്ടികളുടെയും സ്ത്രീകളുടെയും രക്ഷക്കല്ല, ശിക്ഷക്കാണെന്നും തലമുറയെ കൊന്നൊടുക്കി വൃദ്ധന്മാരുടെ രാജ്യം സൃഷ്ടിക്കാനുള്ളതാണെന്നും വ്യക്തി സ്വാതന്ത്ര്യത്തിലേക്ക് കടന്നുകയറുന്ന ഇതിലെ നിര്‍ദേശങ്ങളെ അംഗീകരിക്കാനാവില്ലെന്നും ഫാദര്‍ പോള്‍ തേലക്കാട്ടില്‍ പറഞ്ഞു.
ഇസ്ലാഹി സെന്റര്‍ ചെയര്‍മാന്‍ എം. സലാഹുദ്ദീന്‍ മദനി അദ്ധ്യക്ഷത വഹിച്ചു. ഫോറം ഫോര്‍ ഫ്രറ്റേര്‍നിറ്റി സെക്രട്ടറി ഡോ. കെ.കെ. ഉസ്മാന്‍, എം.എം. ബഷീര്‍ മദനി, അബ്ദുല്‍ ഗനി സ്വലാഹി, എം.കെ. ശാക്കിര്‍ എന്നിവര്‍ സംസാരിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം