ദോഹ: ആറാം ഖത്തര്‍ മലയാളി സമ്മേളനത്തിന്റെ പ്രചരണത്തിന്റെ ഭാഗമായി പൊതുയോഗം സംഘടിപ്പിച്ചു. 'ഖത്തറിലെ തൊഴില്‍ നിയമങ്ങള്‍' എന്ന വിഷയത്തില്‍ ജനങ്ങളുടെ സംശയങ്ങള്‍ക്ക് അഡ്വ. നിസാര്‍ കൊച്ചേരി മറുപടി നല്‍കി. നവംബര്‍ 17, 18 തിയ്യതികളില്‍ ദോഹയിലാണ് സമ്മേളനം. തൊഴിലുടമയും തൊഴിലാളികളും നിയമങ്ങളെയും കരാറുകളെയും ധാര്‍മികകോണിലൂടെ വീക്ഷിച്ചാല്‍ മാത്യകാപരമായ ഒരു തൊഴില്‍സംസ്‌കാരം നിലനില്‍ക്കുമെന്ന് നിസാര്‍ കൊച്ചേരി പറഞ്ഞു. ധാരാളം ചൂഷണങ്ങള്‍ നിലനില്‍ക്കുന്ന ഒരു മേഖല എന്ന നിലയില്‍ രേഖകളില്‍ ഒപ്പ് വെക്കുന്നതിന് മുമ്പ് തൊഴിലാളികള്‍ അവയുടെ ഉളളടക്കം മനസ്സിലാക്കണമെന്നും അദ്ദേഹം പറഞ്ഞു.
എം.എസ്.എം സംസ്ഥാന ജനറല്‍ സെക്രട്ടറി അന്‍ഫസ് നന്‍മണ്ട പ്രഭാഷണം നടത്തി. കോണ്‍ഫെഡറേഷന്‍ ഓഫ് അലുംനി അസോസിയേഷന്‍സിന്റെ പ്രസിഡണ്ട് എ.കെ. മണികണ്ഠന്‍ ആശംസകള്‍ അര്‍പ്പിച്ചു. ഖത്തര്‍ ഇന്ത്യന്‍ ഇസ്ലാഹി സെന്റര്‍ ജനറല്‍ സെക്രട്ടറി അബ്ദുല്‍ലത്തീഫ് നല്ലളം അധ്യക്ഷത വഹിച്ചു. പി.സെഡ് അബ്ദുല്‍വഹാബ് സ്വാഗതവും അബ്ദുസലാം മുണ്ടോളി നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം