ഖത്തര്‍ മലയാളിസമ്മേളനം: ജീവകാരുണ്യ പദ്ധതിക്ക് തുടക്കമായി

ദോഹ:നവംബര്‍ 17, 18 തിയ്യതികളില്‍ ദോഹയില്‍ നടക്കുന്ന ആറാം ഖത്തര്‍ മലയാളി സമ്മേളനത്തിന്റെ ഭാഗമായുള്ള ജീവകാരുണ്യ പദ്ധതിക്ക് തുടക്കമായി. കോഴിക്കോട് മെഡിക്കല്‍കോളേജിന് കീഴിലുള്ള മെഡിക്കല്‍ എയ്ഡ് സെന്ററിനുള്ള മൊബൈല്‍ ഡയഗ്‌നോസിസ് യൂണിറ്റിലേക്കുള്ള ആദ്യഗഡു ഖത്തര്‍ ഇന്ത്യന്‍ ഇസ്‌ലാഹീ സെന്റര്‍ ബിന്‍മഹ്മൂദ് യൂണിറ്റ് പ്രതിനിധി എം.എ. റസാഖില്‍ നിന്ന് റിലീഫ് വിങ് ചെയര്‍മാന്‍ ജി.പി. കുഞ്ഞാലിക്കുട്ടി ഏറ്റുവാങ്ങി. 

രക്തപരിശോധനയിലൂടെ വൃക്കരോഗം മുന്‍കൂട്ടി കണ്ടെത്താവുന്ന മൊബൈല്‍ ഡയഗ്‌നോസിസ് യൂണിറ്റിന്റെ സേവനം കേരളത്തിലുടനീളം ലഭ്യമാവും. സഹകരിക്കുവാന്‍ താത്പര്യമുള്ളവര്‍ 44358739 എന്ന നമ്പറിലോ ,info@malayaliconference.com,info@islahiqatar.org എന്നീ ഇ-മെയില്‍ വിലാസങ്ങളിലോ ബന്ധപ്പെടേണ്ടതാണ്. മുന്‍ മലയാളി സമ്മേളനങ്ങളുടെ ഭാഗമായി കേരളത്തിലെ പാലിയേറ്റീവ് ക്ലിനിക്കുകള്‍ക്ക് നൂറിലേറെ വാട്ടര്‍ബെഡുകള്‍, 1000 രോഗികള്‍ക്ക് മരുന്നും ഭക്ഷണവും, പാവപ്പെട്ടവര്‍ക്ക് വീട് തുടങ്ങിയ പദ്ധതികള്‍ വിജയകരമായി നടപ്പാക്കിയിരുന്നു.