റിയാദ് : വനിത ക്ഷേമത്തിന്റെ പേരില്‍ സ്ത്രീത്വത്തെ തന്നെ ചോദ്യം ചെയ്യുന്നതും മാതൃത്വത്തെ അപമാനിക്കുന്നതുമാണ് വിമന്‍സ് കോഡ് ബില്‍ എന്ന് എം.ജി.എം റിയാദ് പ്രവര്‍ത്തകസമിതി പറഞ്ഞു. ജനസംഖ്യ കുറവുള്ള രാജ്യങ്ങള്‍ സാമ്പത്തികമായി അസ്ഥിരപ്പെടുകയും, ജനസംഖ്യ കൂടുതലുള്ള രാജ്യങ്ങള്‍ സാമ്പത്തിക ശക്തിയാര്‍ജ്ജിക്കുകയും ചെയ്യുന്ന വര്‍ത്തമാന കാലത്തെ സംഭവങ്ങള്‍ കൃഷ്ണയ്യരെപോലെയുള്ളവര്‍ അറിയാതിരിക്കാനിടയില്ല., ബില്ലിനെതിരെ വ്യാപകമായ പ്രതിഷേധമുയരുമ്പോഴും എതിര്‍ക്കുന്നവര്‍ ന്യൂനപക്ഷമാണെന്ന കൃഷ്ണയ്യരുടെ പ്രസ്താവന ആടിനെ പട്ടിയാക്കുന്നതാണെന്നും എം ജി എം സൂചിപ്പിച്ചു.
ബില്ലിനെതിരെ ശക്തമായ പ്രവര്‍ത്തനങ്ങളും ഉദ്‌ബോധനക്ലാസുകളും സെമിനാറുകളും സംഘടിപ്പിക്കാന്‍ എം ജി എം തീരുമാനിച്ചു. നസ്‌റീന വേങ്ങാട്ടിന്റെ അധ്യക്ഷതയില്‍ നടന്ന യോഗത്തില്‍ കെ.എന്‍.എം വയനാട് ജില്ലാ സെക്രട്ടറി സയ്യിദ് അലി സ്വലാഹി മുഖ്യപ്രഭാഷണം നടത്തി. ഷബ്‌ന വാഴക്കാട് പ്രമേയം അവതരിപ്പിച്ചു. ഷമീന അരീക്കോട്, ഖമറുന്നിസ ചെറുമുക്ക്, അസ്മ അരീക്കോട്, ഷാഹിന തൊടികപുലം എന്നിവര്‍ ചടങ്ങില്‍ സംസാരിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം