മഞ്ചേരി: വര്‍ത്തമാനകാല ആശയപ്രചാരണത്തിനുള്ള ഫലപ്രദമായ മാര്‍ഗങ്ങള്‍ എല്ലാ സംഘടനകളും ഉള്‍ക്കൊള്ളണമെന്നും കാലത്തിന്റെ മാറ്റങ്ങള്‍ ഉള്‍ക്കൊണ്ട്‌ പ്രവര്‍ത്തിക്കണമെന്നും കാലിക്കറ്റ്‌ യൂനിവേഴ്‌സിറ്റി വൈസ്‌ ചാന്‍സലര്‍ ഡോ. എം അബ്‌ദുസ്സലാം പ്രസ്‌താവിച്ചു. കേരള നദ്‌വത്തുല്‍ മുജാഹിദീന്‍ സംസ്ഥാന കമ്മിറ്റി മഞ്ചേരി എയ്‌സ്‌ പബ്ലിക്‌ സ്‌കൂളില്‍ സംഘടിപ്പിച്ച സംസ്ഥാന ദ്വിദിന നേതൃശില്‍പശാലയുടെ ഉദ്‌ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം.
പ്രവര്‍ത്തനങ്ങളുടെ ഗുണമേന്മ വര്‍ധിപ്പിക്കാനുള്ള എല്ലാ ആധുനിക രീതികളും സ്വീകരിച്ച്‌ ശാസ്‌ത്രീയമായ സംഘടന പ്രവര്‍ത്തനമാണ്‌ കാലം തേടുന്നത്‌. നിരന്തരമായ പഠനങ്ങളും സുവിശക്തമായ കാഴ്‌ചപ്പാടുകളും ഇതിന്‌ ആവശ്യമാണ്‌. മുജാഹിദ്‌ പ്രസ്ഥാനം ഇക്കാര്യത്തില്‍ കാണിക്കുന്ന ശ്രദ്ധ മാതൃകാപരമാണ്‌.
ശില്‍പശാലയില്‍ സംസ്ഥാന പ്രസിഡന്റ്‌ ഡോ. ഇ.കെ അഹമ്മദ്‌കുട്ടി അധ്യക്ഷതവഹിച്ചു. ഇന്ത്യന്‍ ഇസ്‌ലാഹീ മൂവ്‌മെന്റ്‌ ദേശീയ ജന. സെക്രട്ടറി ഡോ. ഹുസൈന്‍ മടവൂര്‍ പ്രഭാഷണം നടത്തി. ക്യാമ്പ്‌ ഡയറക്‌ടര്‍ ഡോ. പി.പി അബ്‌ദുല്‍ഹഖ്‌, പ്രൊഫ. എന്‍.വി അബ്‌ദുറഹിമാന്‍, എയ്‌സ്‌ സ്‌കൂള്‍ പ്രിന്‍സിപ്പല്‍ മുനീറ എം കുട്ടി പ്രസംഗിച്ചു.
വിവിധ സെഷനുകളില്‍ എ അസ്‌ഗറലി, ടി അബൂബക്കര്‍ നന്മണ്ട, ഐ.എസ്‌.എം പ്രസിഡന്റ്‌ മുജീബുര്‍റഹ്‌മാന്‍ കിനാലൂര്‍, സി.എ സഈദ്‌ ഫാറൂഖി, പി.ടി വീരാന്‍കുട്ടി സുല്ലമി, ഡോ. കെ അബ്‌ദുറഹിമാന്‍, ഡോ. കെ മുഹമ്മദ്‌ ബഷീര്‍, കെ.പി സക്കരിയ്യ, പ്രൊഫ. എം മുഹമ്മദ്‌ ത്വയ്യിബ്‌ സുല്ലമി, നൗഷാദ്‌ അരീക്കോട്‌, പി ലുഖ്‌മാന്‍, ബി.പി.എ ബഷീര്‍, അന്‍വര്‍ ബഷീര്‍ മങ്കട പ്രബന്ധങ്ങളവതരിപ്പിച്ചു. അനസ്‌ കടലുണ്ടി, പ്രൊഫ. എം ഹാറൂന്‍, ഡോ. പി മുസ്‌തഫ ഫാറൂഖി, ഡോ. ഫുഖാര്‍ അലി, അബൂബക്കര്‍ മദനി മരുത, ഡോ. വി കുഞ്ഞാലി, ജാബിര്‍ അമാനി, ഡോ. അബ്‌ദുല്‍മജീദ്‌, അബ്‌ദുല്‍ജലീല്‍ വയനാട്‌, ഇ.ടി ഫിറോസ്‌ ചര്‍ച്ചയില്‍ പങ്കെടുത്തു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം