ദോഹ: രോഗങ്ങളെക്കുറിച്ച് കൃത്യമായ അറിവില്ലാത്തതാണ് പ്രവാസികള്‍ക്കിടയില്‍ പല രോഗങ്ങളും വ്യാപകമാവാന്‍ കാരണമെന്ന് ഫോക്കസ് ഖത്തര്‍ ഉപദേശകസമിതി അംഗം ഡോ. ബിജുഗഫൂര്‍ അഭിപ്രായപ്പെട്ടു. നവംബര്‍ 17, 18 തിയ്യതികളില്‍ ദോഹയില്‍ നടക്കുന്ന ആറാം ഖത്തര്‍ മലയാളി സമ്മേളനത്തിന്റെ ഭാഗമായി QIIC മദീനഖലീഫ സോണ്‍ സംഘടിപ്പിച്ച ആരോഗ്യസെമിനാറില്‍ സംസാരിക്കുകയായിരുന്നു അദ്ദേഹം.
ജീവിതത്തില്‍ പാലിക്കേണ്ട ചിട്ടകളും ഭക്ഷമരീതികളും കൃത്യമായി പാലിക്കപ്പെടുമ്പോള്‍ മിക്ക രോഗങ്ങളില്‍ നിന്നും രക്ഷനേടാനും ആരോഗ്യകരമായ ജീവിതം കെട്ടിപ്പടുക്കാനും സാധിക്കും ഡോ. ബിജു ചൂണ്ടിക്കാട്ടി. സദസ്യരുടെ ചോദ്യങ്ങള്‍ക്ക് ഡോ.ബിജു, ഡോ. നിഷാന്‍ എന്നിവര്‍ മറുപടി നല്‍കി. ''ധാര്‍മികതയിലൂടെ അനശ്വരശാന്തി'' എന്ന സമ്മേളനപ്രമേയം വിശദീകരിച്ചുകൊണ്ട് പ്രമുഖ യുവ പ്രഭാഷകന്‍ സിറാജ് ഇരിട്ടി പ്രഭാഷണം നടത്തി.ഫാരിസ് മൊയ്തു സ്വാഗതവും മുഹമ്മദ് ശൗലി നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം