ദുബായ്: യു.എ.ഇ ഇസ്ലാഹി സെന്റര്‍ റംസാനില്‍ നടത്തിയ ഒമ്പതാമത് ഖുര്‍ആന്‍ വിശേഷ മത്സരമായ 'മുസാബഖ 11' യുടെ വിജയികളെ പ്രഖ്യാപിച്ചു. അജ്മാനില്‍ നിന്നും മത്സരത്തില്‍ പങ്കെടുത്ത മലപ്പുറം ജില്ലയിലെ കുഴിപ്പുറം സ്വദേശി അബ്ദുല്‍ നാസറിനാണ് ഒന്നാം റാങ്ക്. അബുദാബിയില്‍ നിന്ന് മുസാബഖയുടെ ചോദ്യങ്ങള്‍ക്ക് ഉത്തരമെഴുതിയ പി.ശാസിയ രണ്ടാം റാങ്ക് നേടി.
ചെറിയമുണ്ടം അബ്ദുള്‍ ഹമീദ് മദനിയും കുഞ്ഞി മുഹമ്മദ് പറപ്പൂരും തയ്യാറാക്കിയ വിശുദ്ധ ഖുര്‍ആന്‍ പരിഭാഷ അടിസ്ഥാനമാക്കിയുള്ള ചോദ്യവലികളാണ് മുസാബഖയിലൂടെ പൊതുജനങ്ങള്‍ക്ക് വിതരണം ചെയ്തത്. http://musaabaqa.tk എന്ന വെബ്‌സൈറ്റ് മുഖേനയും മുസാബഖയില്‍ പങ്കെടുക്കാന്‍ അവസരമുണ്ടായിരുന്നു.
ഒന്നാം സ്ഥാനം നേടിയ നാസര്‍ ഷാര്‍ജ അല്‍ഖാസിം ആസ്പത്രിയിലെ ജീവനക്കാരനും അജ്മാന്‍ ഖുര്‍ആന്‍ ലേണിങ്ങ് സ്‌ക്കൂള്‍ പഠിതാവുമാണ്. രണ്ടാം റാങ്ക് നേടിയ ശാസിയ കണ്ണൂര്‍ ജില്ലയിലെ കരിമ്പില്‍ സ്വദേശിനിയാണ്. കേരളത്തിലേക്ക് ടുവേ വിമാന ടിക്കറ്റാണ് നാസറിന് സമ്മാനം. രണ്ടാംസ്ഥാനം നേടിയ ശാസിയക്ക് വണ്‍വേ ടിക്കറ്റും ലഭിക്കും. പൊതുചടങ്ങില്‍ വെച്ച് വിജയികള്‍ക്കുള്ള സമ്മാനവും പ്രശംസാപത്രവും വിതരണം ചെയ്യും.
1 വായനക്കാരുടെ പ്രതികരണങ്ങൾ :
http://musaabaqa.tk ??
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം