കല്ലായ്‌: സ്രഷ്‌ടാവും പരിപാലകനുമായ അല്ലാഹു മാത്രമാണ്‌ പ്രാര്‍ഥിക്കപ്പെടാന്‍ അര്‍ഹന്‍ എന്ന്‌ കെ എന്‍ എം സംസ്ഥാന ജന. സെക്രട്ടറി സി പി ഉമര്‍ സുല്ലമി പ്രസ്‌താവിച്ചു. കോഴിക്കോട്‌ സിറ്റി മുജാഹിദ്‌ സമ്മേളനത്തിന്റെ സമാപന സമ്മേളനം ഉദ്‌ഘാടനം ചെയ്‌ത്‌ സംസാരിക്കുകയായിരുന്നു അദ്ദേഹം. മഹാഭൂരിപക്ഷം ജനങ്ങളും ഈ വിഷയത്തില്‍ വഴികേടിലാണ്‌. മരിച്ചുപോയ മഹത്തുക്കളോടും ശവകുടീരങ്ങളോടും പ്രാര്‍ഥിക്കുന്നവരെ മുസ്‌ലിംകളില്‍ തന്നെ കാണാം. ഉല്‍പതിഷ്‌ണുക്കള്‍ എന്ന്‌ അവകാശപ്പെടുന്നവര്‍ പോലും ഈ വിഷയത്തില്‍ വ്യതിയാനത്തിന്‌ വിധേയമാകുന്നു എന്നത്‌ ഏറെ ഖേദകരമാണെന്ന്‌ അദ്ദേഹം പറഞ്ഞു.
കെ മുഹമ്മദ്‌ കോയ അധ്യക്ഷത വഹിച്ചു. എം എസ്‌ എം ജന. സെക്രട്ടറി ജാസിര്‍ രണ്ടത്താണി, സി മരക്കാരുട്ടി, അഫ്‌താശ്‌ ചാലിയം, ജരീര്‍ പാലത്ത്‌ പ്രസംഗിച്ചു. കെ പി അബ്‌ദുര്‍റഹ്‌മാന്‍ സ്വാഗതവും എ കെ അബ്‌ദുര്‍റഹ്‌മാന്‍ നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം