കുനിയില്‍: ആധുനിക വ്യാപാര വിനിമയ മേഖലകളിലെ വര്‍ധിച്ചുവരുന്ന പ്രൊഫഷണല്‍ സാധ്യതകള്‍ക്ക്‌ അറബി പഠനം ഊര്‍ജം പകരുന്ന സാഹചര്യത്തില്‍ അറബിക്കോളെജുകളുടെ സേവനം മഹത്തരമാണെന്ന്‌ ഡോ. ഹുസൈന്‍ മടവൂര്‍ പറഞ്ഞു. ലോകത്തെ മുപ്പതോളം രാഷ്‌ട്രങ്ങളില്‍ പ്രമുഖ സ്ഥാനം വഹിക്കുന്ന അറബി ഭാഷ മറ്റു ഭാഷകളെക്കാള്‍ മുന്നേറിക്കൊണ്ടിരിക്കുമ്പോള്‍ അറബിഭാഷാ പഠനത്തിന്‌ വന്‍ സാധ്യകകളാണെന്നും അദ്ദേഹം പറഞ്ഞു. അന്‍വാറുല്‍ ഇസ്‌ലാം അറബിക്‌ കോളേജ്‌ സംഘടിപ്പിച്ച ദേശീയ അറബിക്‌ സെമിനാറിന്റെ സമാപന സെഷന്‍ ഉദ്‌ഘാടനം ചെയ്യുകയായിരുന്നു അദ്ദേഹം. പ്രിന്‍സിപ്പല്‍ പ്രൊഫ. ജമീല സുല്ലമിയ്യ അധ്യക്ഷത വഹിച്ചു. ഹൈദരാബാദ്‌ ഇസ്‌മാനിയ യൂണിവേഴ്‌സിറ്റി മേധാവി ഡോ. മുഹമ്മദ്‌ മുസ്‌തഫ ശരീഫ്‌ മുഖ്യപ്രഭാഷണം നടത്തി. ഡോ. സയ്യിദ്‌ ശുജാഉദ്ദീന്‍ ഖാദിരി അസീസ്‌, ഡോ. ലിയാഖത്ത്‌ അലി, ജാബിര്‍ അമാനി, വി പി ശിഹാബുദ്ദീന്‍ അന്‍വാരി, പ്രൊ. എം അഹമ്മദ്‌ കുട്ടി മദനി സംസാരിച്ചു. പ്രൊഫ. കെ എ നാസര്‍ സ്വാഗതവും പ്രൊഫ. ശാക്കിര്‍ ബാബു നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം