കോഴിക്കോട്: പശ്ചാത്യശൈലി കടമെടുത്ത് മനുഷ്യന്റെ സ്ഥായിയായ വികാരങ്ങള്‍ക്ക് ദിനങ്ങളേര്‍പ്പെടുത്തി, ആഭാസകരമായ ചലനങ്ങളിലേക്ക് യുവതയെ വഴിതിരിച്ചുവിടാനുള്ള ശ്രമങ്ങളാണ് വാലന്റൈന്‍ ദിനത്തിന് പിന്നിലെന്നും അത് സാംസ്‌കാരിക തനിമയ്‌ക്കേറ്റ ആഘാതമാണെന്നും എം എസ് എം സംസ്ഥാന സമിതി സംഘടിപ്പിച്ച പ്രതിഷേധ റാലി അഭിപ്രായപ്പെട്ടു. പടിഞ്ഞാറന്‍ സംസ്‌കാരം പിന്തുടര്‍ന്നതിന്റെ ഫലമായി വിദ്യാര്‍ഥി സമൂഹത്തെ ബാധിച്ച ജീര്‍ണതക്കും ലൈംഗിക ധാര്‍മികതയെക്കുറിച്ചുള്ള തെറ്റായ കാഴ്ചപ്പാടിനുമെതിരെയുള്ള വിദ്യാര്‍ഥി പ്രസ്ഥാനത്തിന്റെ ധീരമായ കാല്‍വെപ്പായി പ്രതിഷേധ റാലി.
സാംസ്‌കാരിക അധിനിവേശത്തിന്റെ ഫലമായി ലിംഗബോധം വരെ വിസ്മരിച്ചുള്ള സഹവാസങ്ങള്‍ സമൂഹത്തില്‍ വളരുന്നത് അപകടകരമാണ്. രാഷ്ട്രീയ- സാംസ്‌കാരിക പ്രവര്‍ത്തകര്‍ ഈ വിഷയത്തില്‍ കാണിക്കുന്ന നിസ്സംഗത വെടിയണമെന്നും റാലി ആഹ്വാനംചെയ്തു. കോഴിക്കോട് കിഡ്‌സണ്‍ കോര്‍ണറില്‍ നടന്ന പ്രകടനം എം എസ് എസ് സംസ്ഥാന ജനറല്‍ സെക്രട്ടറി പി ടി മൊയ്തീന്‍കുട്ടി മാസ്റ്റര്‍ ഉദ്ഘാടനം ചെയ്തു. ഐ എസ് എം സംസ്ഥാന പ്രസിഡന്റ് മുജീബുര്‍റഹ് മാന്‍ കിനാലൂര്‍ മുഖ്യാഥിതിയായിരുന്നു. എം എസ് എം ജനറല്‍ സെക്രട്ടറി ജാസിര്‍ രണ്ടത്താണി, ജലീല്‍ മാമാങ്കര, സൈദ് മുഹമ്മദ് തുടങ്ങിയവര്‍ സംസാരിച്ചു. വ്യത്യസ്ത ക്യാമ്പസുകളില്‍ നിന്നുള്ള വിദ്യാര്‍ഥികള്‍ പങ്കെടുത്ത റാലിക്ക് സംസ്ഥാന ഭാരവാഹികളായ കമറുദ്ദീന്‍ എളേറ്റില്‍, അഫ്‌സല്‍ മടവൂര്‍, ആഷിദ് ഷാ, ഹാഫിളുര്‍റഹ്മാന്‍ പുത്തൂര്‍, ജരീര്‍ പാലത്ത് തുടങ്ങിയവര്‍ നേതൃത്വംനല്‍കി.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം