കോഴിക്കോട്: അറിവ് സമര്‍പ്പണത്തിന് എന്ന പ്രമേയവുമായി മുജാഹിദ് സ്റ്റുഡന്റ്‌സ് മൂവ്‌മെന്റ് (എം എസ് എം) സംസ്ഥാന സമിതി സംഘടിപ്പിക്കുന്ന സംസ്ഥാന പ്രതിനിധി സമ്മേളനം നാളെ കോഴിക്കോട് നടക്കും. കോഴിക്കോട് സ്വപ്‌ന നഗരിക്ക് എതിര്‍വശം പ്രത്യേകം സജ്ജമാക്കിയ നഗരിയിലാണ് സമ്മേളനം. രാവിലെ 9ന് കെ എം എ ഓഡിറ്റോറിയത്തില്‍ നടക്കുന്ന സംസ്ഥാന കൗണ്‍സില്‍ സമ്മേളനത്തില്‍ പി.ടി വീരാന്‍ കുട്ടി സുല്ലമി, ഡോ. മുസ്തഫ ഫാറൂഖി, ഐ പി അബ്ദുസ്സലാം, അലി മദനി മൊറയൂര്‍, ആസിഫലി കണ്ണൂര്‍, ഹര്‍ഷിദ് മാത്തോട്ടം, അക്ബര്‍ സാദിഖ്, ശുക്കൂര്‍ കോണിക്കല്‍ എന്നിവര്‍ പങ്കെടുക്കും.
വൈകുന്നേരം 4ന് സ്വപ്‌ന നഗരിയില്‍ നടക്കുന്ന പൊതുസമ്മേളനം വിദ്യാഭ്യാസ മന്ത്രി പികെ അബ്ദുറബ്ബ് ഉദ്ഘാടനം ചെയ്യും. എം എസ് എം പ്രസിഡണ്ട് ആസിഫലി കണ്ണൂര്‍ അധ്യക്ഷത വഹിക്കും. സമ്മേളനത്തില്‍ വിവിധ വിദ്യാര്‍ത്ഥി സംഘടനകളെ പ്രതിനിധീകരിച്ച് ഷാഫി പറമ്പില്‍ എംഎല്‍എ (കെ എസ് യു) പി കെ ഫിറോസ് (എം എസ് എഫ്) എസ് കെ സജീഷ് (എസ് എഫ് ഐ) എന്നിവര്‍ സംസാരിക്കും. 15-ാമത് ഖുര്‍ആന്‍ വിജ്ഞാന പരീക്ഷ വിജയികള്‍ക്കുള്ള അവാര്‍ഡുകള്‍ കെ മുരളീധരന്‍ എം എല്‍ എ വിതരണം ചെയ്യും. ഇന്ത്യന്‍ ഇസ്ലാഹീ മൂവ്‌മെന്റ് ജനറല്‍ സെക്രട്ടറി ഡോ. ഹുസൈന്‍ മടവൂര്‍ , ഡോ: മുസ്തഫ ഫാറൂഖി, ഐ എസ് എം പ്രസിഡണ്ട് മുജീബ് റഹ്മാന്‍ കിനാലൂര്‍, എം. സ്വലാഹുദ്ദീന്‍ മദനി, പി. മൂസ സ്വലാഹി, സൈദ് മുഹമ്മദ്, ജാസിര്‍ രണ്ടത്താണി എന്നിവര്‍ പ്രസംഗിക്കും.
സമ്മേളനത്തിന്റെ ഒരുക്കങ്ങള്‍ പൂര്‍ത്തിയായതായി എം എസ് എം പ്രസിഡണ്ട് ആസിഫലി കണ്ണൂരും ജനറല്‍ കണ്‍വീനര്‍ സൈദ് മുഹമ്മദ് കുരുവട്ടൂരും അറിയിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം