മതചിഹ്നങ്ങള്‍ സ്വാര്‍ഥതാത്‌പര്യത്തിന് ഉപയോഗിക്കുന്നു -സി.പി. ഉമര്‍ സുല്ലമി

നാദാപുരം: സ്വാര്‍ഥതാത്പര്യം മുന്‍നിര്‍ത്തി മതചിഹ്നങ്ങള്‍ ഉപയോഗിക്കുകയാണെന്നും വ്യാജകേശവുമായി വിശ്വാസികളെ ചൂഷണം ചെയ്യുന്നവര്‍ക്കെതിരെ ശക്തമായി രംഗത്തിറങ്ങണമെന്നും കെ.എന്‍.എം. സംസ്ഥാന ജനറല്‍ സെക്രട്ടറി സി.പി. ഉമര്‍ സുല്ലമി പറഞ്ഞു.

ആത്മീയവാണിഭത്തിനെതിരെ നാദാപുരത്ത് കേരള നദ്‌വത്തുല്‍ മുജാഹിദ്ദീന്‍ സംഘടിപ്പിച്ച നവോത്ഥാന സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

ടി. അബ്ദുറഹിമാന്‍ അധ്യക്ഷത വഹിച്ചു. ഒ. അബ്ദുല്ല, ജാഫര്‍ വാണിമേല്‍, മമ്മൂട്ടി മുസ്‌ല്യാര്‍, ടി.കെ. മൊയ്തു ഹാജി, കളത്തില്‍ അസ്‌ലം എന്നിവര്‍ സംസാരിച്ചു.