ആത്മീയ ചൂഷണങ്ങള്‍ക്കെതിരെ രംഗത്തിറങ്ങണം

വളാഞ്ചേരി: സമൂഹത്തില്‍ പടര്‍ന്നു പിടിച്ച ആത്മീയ ചൂഷണങ്ങള്‍ക്കെതിരെ പണ്ഡിതന്മാര്‍ രംഗത്തിറങ്ങണമെന്ന് പുത്തനത്താണിയില്‍ നടന്ന കെ.എന്‍.എം പൊതുയോഗം അഭിപ്രായപ്പെട്ടു. 'അന്ധവിശ്വാസങ്ങള്‍ക്കും അധാര്‍മികതയ്ക്കുമെതിരെ നവോത്ഥാന മുന്നേറ്റം' എന്ന കെ.എന്‍.എം കാമ്പയിന്റെ ഭാഗമായി പുത്തനത്താണിയില്‍ നടന്ന പൊതുയോഗം ISM സംസ്ഥാന വൈസ് പ്രസിഡന്റ് അബ്ദുല്ലത്തീഫ് കരുമ്പുലാക്കന്‍ ഉദ്ഘാടനംചെയ്തു. കെ.പി. ഇബ്രാഹിം അധ്യക്ഷതവഹിച്ചു. എ.കെ. ഈസ മദനി, വി.ടി. സയ്യിദ് ഉമര്‍, എ.കെ.എം.എ. മജീദ്, കെ. അസീം മര്‍സൂഖ് എന്നിവര്‍ പ്രസംഗിച്ചു.