ജിദ്ദ : സര്‍വ്വ വിജ്ഞാനശാഖകളിലും പ്രാചീന മുസ്ലിം സമൂഹം നല്‍കിയ സംഭാവനകള്‍ മികച്ചതാണെന്ന് അരീക്കോട് സുല്ലമുസ്സലാം അറബിക് കോളേജ് പ്രിന്‍സിപ്പാള്‍ എം മുഹമ്മദ് ത്വയ്യിബ് സുല്ലമി പ്രസ്‌താവിച്ചു. ഹ്രസ്വ സന്ദര്‍ശനാര്‍ത്ഥം സൌദിയിലെത്തിയ അദ്ദേഹം ഇന്ത്യന്‍ ഇസ്ലാഹി സെന്റര്‍ ജിദ്ദ ഓഡിറ്റോറിയത്തില്‍ നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു. വിജ്ഞാനം തേടിയുള്ള പടയോട്ടത്തിന്റെ പഴയ കാലമാണ് മുസ്ലിം ലോകത്തിന്‍റെ സുവര്‍ണ്ണകാലം. കുട്ടികളുടെ വിദ്യഭ്യാസത്തിന്‍റെ കാര്യത്തില്‍ അത്യുത്സാഹം കാണിക്കുന്ന രക്ഷിതാക്കളും സന്നദ്ധ സംഘങ്ങളും വിവിധ വൈജ്ഞാനിക മേഖലകളില്‍ വൈദഗ്‌ദ്ധ്യം നേടിയ അര്‍പ്പണ ബോധമുള്ള തലമുറയെ സൃഷ്ടിച്ചെടുക്കാന്‍ ശ്രദ്ധിക്കണം. മാറി വരുന്ന ജീവിത സാഹചര്യങ്ങള്‍ക്കും മനുഷ്യ ചിന്തക്കും എതിരല്ലാത്ത രീതിയില്‍ ആശയാവിഷ്‌കരണം സാധ്യമാക്കുന്ന കാലാതിവര്‍ത്തിയായ നിത്യസത്യമാണ് വിശുദ്ധ ഖുര്‍ആന്‍ എന്നും അദ്ദേഹം പറഞ്ഞു.
ഇസ്ലാഹി സെന്റര്‍ ജിദ്ദ പ്രസിഡണ്ട് മൂസക്കോയ പുളിക്കല്‍ അധ്യക്ഷനായിരുന്നു. അബ്ദുല്‍ കരീം സുല്ലമി സ്വാഗതവും എം അഹ്‌മദ് കുട്ടി മദനി നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം