ആത്മീയാചാര്യരുടെ സമ്പാദ്യത്തെക്കുറിച്ച് അന്വേഷിക്കണം -ഐ.എസ്.എം

മഞ്ചേരി: വിശ്വാസികളെ ചൂഷണം ചെയ്തുള്ള ആത്മീയാചാര്യന്മാരുടെ കോടികളുടെ സമ്പാദ്യത്തെക്കുറിച്ച് വിശദമായി അന്വേഷിക്കണമെന്ന് ഐ.എസ്.എം സംസ്ഥാന സെക്രട്ടേറിയറ്റ് ആവശ്യപ്പെട്ടു. കടുത്ത വിലക്കയറ്റത്തിനും ഭക്ഷ്യസുരക്ഷയില്ലായ്മക്കും കാരണമായ കള്ളപ്പണം ഇല്ലാതാക്കാന്‍ കേന്ദ്രസര്‍ക്കാര്‍ ജാഗ്രത പുലര്‍ത്തണമെന്ന് സെക്രട്ടേറിയറ്റ് ആവശ്യപ്പെട്ടു.

ഐ.എസ്.എം വൈസ് പ്രസിഡന്റ് ജാഫര്‍ വാണിമേല്‍ അധ്യക്ഷതവഹിച്ചു. എന്‍.എം.അബ്ദുല്‍ജലീല്‍, അബ്ദുസ്സലാം മുട്ടില്‍, പി.സുഹൈല്‍ സാബിര്‍, ഇ.ഒ.ഫൈസല്‍, ശുക്കൂര്‍ കോണിക്കല്‍, മന്‍സൂറലി ചെമ്മാട് തുടങ്ങിയവര്‍ സംസാരിച്ചു.