ദോഹ: വികസനം പരിസ്ഥിതി സൗഹൃദമാകേണ്ടത് ഭൂമിയിലെ നിലനില്‍പ്പുമായി ബന്ധപ്പെട്ട വിഷയമാണെന്ന് എഴുത്തുകാരനും സോഷ്യലിസ്റ്റ് ജനത സംസ്ഥാന പ്രസിഡന്റുമായ എം.പി.വീരേന്ദ്രകുമാര്‍ പറഞ്ഞു. ഇക്കോ ഫോക്കസ് കാമ്പയിന്റെ ഭാഗമായി ഫോകസ് ഖത്തര്‍ അബൂഹമൂറിലുള്ള ഷെംഫോര്‍ഡ് നോബിള്‍ ഇന്‍റര്‍നാഷണല്‍ സ്‌കൂളില്‍ സംഘടിപ്പിച്ച 'ഇക്കോ സെനറ്റ് പരിസ്ഥിതി കൂട്ടായ്മ' ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നാം ജീവിക്കണോ വേണ്ടയോ എന്നതാണ് വികസനവുമായി ബന്ധപ്പെട്ട അടിസ്ഥാന ചോദ്യം. നമ്മുടെ വിജ്ഞാനം എല്ലാറ്റിനും പരിഹാരമല്ല എന്നും ഭൂമിയിലെ വിഭവങ്ങള്‍ എടുത്താല്‍ തീരാത്തതല്ല എന്നുമുള്ള തിരിച്ചറിവാണ് പ്രധാനമെന്നും ജലവും വായുവും ഭക്ഷ്യവസ്തുക്കളും ജീവന്റെ അടിസ്ഥാന ഘടകങ്ങളാണെന്നും അവയുടെ സ്വാഭാവികമായ ചാക്രികതയെ തകര്‍ക്കുന്ന വികസനമാണ് പാരിസ്ഥിക പ്രശ്‌നങ്ങള്‍ക്കും അനാരോഗ്യത്തിനും മാരകരോഗങ്ങള്‍ക്കും കാരണമകുന്നതെന്നും അദ്ദേഹം പറഞ്ഞു. പരിസ്ഥിതി കൂട്ടായ്മയില്‍ ദോഹയിലെ വിവിധ സംഘടനകളെ പ്രതിനിധീകരിച്ച് ശ്രീധരന്‍ എന്‍.പി (സംസ്‌കൃതി), ഇ.എ അബ്ദുസ്സമദ് (കെ.എം.സി.സി), ജാഫര്‍ഖാന്‍ (സംസ്‌കാര ഖത്തര്‍), ഹബീബ് റഹിമാന്‍ കീഴിശ്ശേരി (ഫ്രണ്ട്‌സ് കള്‍ച്ചറല്‍ സെന്‍റര്‍), നൗഷാദ് പയ്യോളി (ഖത്തര്‍ ഇന്ത്യന്‍ ഇസ്ലാഹി സെന്‍റര്‍), സാജിദ്.കെ (ഇസ്‌ലാമിക് യൂത്ത് അസ്സോസിയേഷന്‍), അഹമ്മദ് പാതിരപ്പറ്റ (ഇന്ത്യന്‍ മീഡിയ ഫോറം) എന്നിവരും പ്രമുഖ സാമൂഹ്യപ്രവര്‍ത്തകരായ അബ്ദുല്‍ അസീസ് നല്ലവീട്ടില്‍, എം.ടി. നിലമ്പൂര്‍ എന്നിവരും പങ്കെടുത്തു. ഫോക്കസ് ഖത്തര്‍ അഡൈ്വസറി ബോര്‍ഡ് അംഗം മശ്ഹൂദ് തിരുത്തിയാട് ഫെസിലിറ്റേറ്റര്‍ ആയിരുന്നു. സി.ഇ.ഒ ഷമീര്‍ വലിയ വീട്ടില്‍ അധ്യക്ഷത വഹിച്ചു. പബ്ലിക് റിലേഷന്‍ മാനേജര്‍ മുനീര്‍ അഹമദ് മാട്ടൂല്‍ വിഷയാവതരണം നടത്തി. അഡ്മിനിസ്‌ട്രേഷന്‍ മാനേജര്‍ അനീസ് എം.ടി സ്വാഗത്വും സോഷ്യല്‍ വെല്‍ഫെയര്‍ ഡിപാര്‍ട്‌മെന്‍റ് മനേജര്‍ ഷമീം അഹ്മദ് നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം