മാനേജ്‌മെന്റുകള്‍ പൗരസമൂഹത്തെ വെല്ലുവിളിക്കുന്നു : ISM

കോഴിക്കോട്: മെഡിക്കല്‍ പി.ജി. പ്രവേശനത്തില്‍ സര്‍ക്കാറിനെ നോക്കുകുത്തിയാക്കി തന്നിഷ്ടം പ്രവര്‍ത്തിക്കുന്ന മാനേജ്‌മെന്റുകള്‍ പൗരസമൂഹത്തെ വെല്ലുവിളിക്കുകയാണെന്ന് ഐ.എസ്.എം. സംസ്ഥാന കമ്മിറ്റി യോഗം ആരോപിച്ചു. പി.ജി.സീറ്റുകളിലേക്ക് സര്‍ക്കാര്‍ ക്വാട്ടയിലെ പ്രവേശന തീയതി നീട്ടാന്‍ സുപ്രീംകോടതിയെ സമീപിക്കാതിരിക്കുക വഴി സര്‍ക്കാര്‍ മാനേജ്‌മെന്റുകളുമായി ഒത്തുകളിക്കുകയാണ്.

പ്രസിഡന്റ് മുജീബുള്‍റഹ്മാന്‍ കിനാലൂര്‍ അധ്യക്ഷത വഹിച്ചു. യു.പി. യഹ്‌യാഖാന്‍, ഐ.പി. അബ്ദുസലാം, ഇസ്മാഈല്‍ കിയാട്, ശുകൂര്‍ കോണിക്കല്‍, നുറുദ്ദീന്‍ എടവണ്ണ, ഫൈസല്‍ ഇയ്യക്കാട് തുടങ്ങിയവര്‍ പ്രസംഗിച്ചു.